Ümrə 2024-2025

Ümrə Üçün Hazırlıqlar

Mənəvi Hazırlıqlar

• Qul haqqı olmaq riskinə qarşı qohum-əqrəba, qonum-qonşu, işdəkilər və s. insanlarla halallaşmaq çox  əhəmiyyətlidir.
• Ümrə səfərinə çıxmazdan əvvəl günahlarımızdan təmizlənmək üçün çoxlu İstiğfarı-Şərif oxumaq çox əhəmiyyətlidir.
• Ümrə səfərində Peyğəmbər Əfəndimizi (s.a.v) ziyarət edəcəyimiz üçün əliboş getməyək deyə hədiyyə olaraq çoxlu Salavatı-Şərifə oxumaq lazımdır.
• Bununla yanaşı, yenə mənən hazırlanmaq üçün ümrə səfərinə çıxmazdan əvvəl Yasini-Şərif, İxlası-Şərif və bu kimi duaları oxumaq faydalı olacaq.
• Mübarək ümrə səfərinə çıxmazdan əvvəl Təsbeh, Duha, Əvvabin və Təhəccüd kimi nafilə namazları qılmaq çox faydalı olacaq.
• Ümrə səfərinə çıxmazdan əvvəl Qurani-Kərim oxumağı bilmirsinizsə, öyrənmək faydalı olacaq. Qurani-Kərimi öyrənmək üçün qrup rəhbərinizlə əlaqə saxlaya bilərsiniz.
• Şirkətimiz tərəfindən ümrə səfərinə çıxmazdan əvvəl keçiriləcək seminarlarda iştirakınız zəruridir.
• Seminar tarixləri üçün qrup Rəhbərinizdən və ya +994 77 3333 444  nömrəsinə zəng edərək məlumat ala bilərsiniz.
• Ümrə seminarında qrup xocanızla görüşməyi və Səudiyyə telefon nömrəsini götürməyi unutmayın. Əgər bu haqda məlumat əldə edə blməsəniz, +994 77 3333 444 nömrəli telefonumuzdan əldə edə bilərsiniz.
• Seminarlarda sizə anladılan: ümrə səfəri zamanı sizə lazım olacaq ehram, başmaq, bel kəməri və s. kimi əşyaları almağı unutmayın.
• Ümrə səfərinə gedərkən mümkünsə təyyarə və avtobusda yatmadan dəstəmazla getmək çox vacibdir, ona görə də səfərə çıxılacaq gün yaxşı istirahət edin.
• Ümrə səfərinə çıxmazdan əvvəl mümkünsə qüsl almaq, mübarək yerlərə qüsllü şəkildə ayaq basmaq uyğun olardı.
• Yolda dəstəmaz sıxıntısı yaşamamaq üçün yola düşmədən 24 saat əvvəl maye istifadəsini azaltmaq lazımdır.

    Maddi hazırlıqlar

• ‘’Həcc və ümrə məşəqqətdir” hədisi-şərifini heç vaxt unutmayaq.
• Ümrə səfərinə çıxmazdan əvvəl ailə həkiminə və ya yaxınlıqdakı tibb müəssisəsinə gedib sağlamlıq müayinəsindən keçin. Əgər ehtiyacınız olan dərmanlarınız varsa, onlardan çoxunu özünüzlə götürün. 
• Ümrə üçün istifadə edəcəyiniz çanta və çamadanlarınıza adınızı, ünvanınızı və telefon nömrənizi yazın.
• Şirkətimizin sizə verdiyi “Ümrə Rəhbəri” adlı kitabı mütləq bir neçə dəfə oxuyun. 
• Gedərkən mütləq özünüzlə Qurani-Kərim, “Ümrə Rəhbəri” kitablarını götürün.
• Xarici pasportunuz mütləq yanınızda olsun.
• Baqajınızın maksimum çəkisi 23 kq olmalıdır. Əl çantanız da 10 kq-ı keçməməlidir.
• Müəyyən olunmuş vaxtda mütləq hava limanında olun.
• Özünüzlə xarici valyuta (USD və ya EURO) götürməyi unutmayın.
• Pasportunuzu və Ümrə kartınızı qətiyyən çamadanınıza qoymayın. Çamadanınızı qeyd olunan yerdən baqaja verin.
• Baqaj qəbzinizi və minmə talonunuzu əl çantanıza qoyun.
• Unutmayın! Səudiyyə Ərəbistanı hava limanından otelə qədər bütün nəzarət Səudiyyə Ərəbistanı hökumətinə aiddir. 
• Qrup Rəhbərinizin təlimatlarına əməl edin və qrupunuzdan ayrılmayın.
• Hava limanlarında giriş-çıxışlarda Səudiyyə qanunlarından irəli gələn problemlər yaşana, buna görə də gözləmələr ola bilər. Səbirli olmağa çalışın. 

Vacib Məlumatlar

• Hisar Tour ilə Ümrəyə getmək istəyənlər şirkətimizin mərkəzi və ya nümayəndəlikləri ilə əlaqə saxlayaraq; Ad, Soyad, Xarici Pasport seria nömrəsini , telefon nömrəsini və referansını bildirməklə istədiyi proqramda iştirak edə bilər.
• 0-15 yaş arası, yanlarında birinci dərəcəli(ana vəya atası)  qohumlarından biri olsa belə, Digər valideynin Notariusdan etibarnamə verməsi lazımdır.
• Səhhətində problemi olan və rəfaqatçı ehtiyacı olan, xüsusi vəziyyəti olan və baxıma ehtiyacı olan zəvvarlarımızın rəfaqatçı ilə birlikdə turlarımıza qatılması mütləqdir.
• Sənədlər tam olsa da, bəzən texniki səbəblərdən viza almaqda problem yarana bilər.

       Unutmayaq ki, həcc və ümrə məşəqqətli ibadətlərdir.